الباشا
29-10-2009, 04:58
حوار داخل طبق سلطة .... بنكهة سياسية !!
إخواني إحبائي في الله ... أسعد الله أوقاتكم ... مين فينا ميحبش طبق السلطة المهم جداً ... وبحكم أنني من هواة عمل طبق السلطة المحوج ... تعالوا نتأمل مشوار طبق سلطة سياسي .. لو نظرنا على أن السياسة حالياً خيار وفاقوس وجزر وطماطم وفلفل احمر وأخضر وأصفر ... وخل لما خلوا حياتنا خل بالفعل ....
الزوجة لزوجها .. يا أبو فلفلة ، أقوم أغسل الطمام والخيار وأعملنا طبق سلطة على كيفك ، أأأأومري يا عمري ... قام صاحبنا غسل الطماطم والخيار ووضعها في طبق صيني كبير إستعداداً للتقطيع والتوضيب .. ثم ناده إبنه شطة ، واحد صاحبك عايزك يا بابا على التليفون .. ترك صاحبنا المطبخ ، ليكون هذا الحوار بين الست طماطم والأستاذ خيار .... إليكم الحوار كما تم دون تدخل السكاكين أقصد الرقابة .....
ألتقت الست طماطم بجارها الأستاذ خيار .. فبادرته بالسلام قائلة :
صباح الخير يا جميل .. سكتك خضرا ويومك مخلل بالسعادة بإذن الله
الأستاذ خيار : يا صباح النور ع البنور والخدود الحمرا اللي زي التفاح الأمريكاني
الست طماطم : فشر .. أمريكاني مين وبتاع مين .. دا أنا طماطم والأجر على الله
الأستاذ خيار : خلاص ياست الستات .. أنا غلطان .. خليها التفاح اللبناني
طماطم : لبناني ماشي .. أهو مننا وعلينا .. إنما قطع الأمريكاني وسنينه
خيار : ياه .. دا انت قرفانة من الأمريكاني ع الآخر
طماطم : ومين سمعك .. بيجيلي أرتيكاريا لما حد يجيب سيرته .. هو انت يغرك الأشكال دي .. وعلى رأي المثل من برة هللا هللا ومن جوة يعلم الله
خيار : ليه يابت .. دا الأمريكاني أمريكاني برضه ، أبو الكل وفتوة العولمة
طماطم : كان زمان يااااااااااا عمر .. لما كنا فاكرين إنه تفاح بحق وحقيقي
خيار : إمال طلع إيه ؟
طماطم : طلع خيار معفن .. وبالهندسة الوراثية عملوه شبهه التفاح
خيار : شكلك هتغلطي ، أنت نسيت أني خيار أد الآتاييه ، وبعدين وماله الخيار؟
طماطم : مالوش .. بس الخيار لما يقول أنا خيار من خيار .. يبقى جدع وسيد الجدعان .. لكن يضحك ع الناس وينفخ نفسه ويلونها ويقول أنا تفاح .. يبقى ؟
خيار : يبقى إيه يا طمطم ؟
طماطم : يبقى نصاب وضلالي
خيار : وما يسواش عود برسيم
طماطم : اسم الله على مقامك .. أهو انت قلتها بلسانك
خيار : ومين اللي كشف الملعوب ده ؟
طماطم : الواد فجلة ابن المعلم دجلة
خيار : إزاي؟
طماطم : شافه وهوه بياخد حقن من اللي بتنفخ وحبوب من اللي بتلون
خيار : يبقى لازمنا قاعدة عشان نشوف حل فى الواد النصاب ده .. ونعرف ليه بيعمل العمايل السودة دي ؟
طماطم : بس متقولش قاعدة أحسن الامريكاني عليه عفريت اسمه قاعدة .. المهم حتعمل إيه ؟
خيار : حنعمل مؤتمر وندعوا فيه كل جنس خيار .. الخيار الاستراتيجي والخيار العسكرى والخيار الوحيد .. ونشوف إزاي يتم مكافحة هذا التزوير اللاأخلاقي .. بكرة البتنجان الاسود يشم خبر ويعمل لي فيها هو كمان مانجة هندي !!
طماطم : بس انا سمعت إن الخيار العسكري خرطوه حتت حتت وعملوه سلطة يقدموها للضيوف
خيار : يعني إيه ؟
طماطم : يعني الخيار العسكري مش موجود في السوق يا حبة عيني
خيار : طب والخيار الوحيد ؟
طماطم : ما فيش حباية واحده منه عندنا .. يامستورد يا مفيش
خيار : بس المستورد غالي .. يعني ما نعرفش نزرعه عندنا ؟
طماطم : نعرف .. بس ممنوع
خيار : مين اللي منعه ؟ هوه إحنا حنزرع مخدرات
طماطم : يوووووه عليك بقه .. أهووو ممنوع وخلاص .. ولو كان مخدرات ماكانوش منعوه
خيار : والخيار الاسترا .. تيجي !!!!
طماطم : تيجي لما أقول لك حاجة ف ودنك
خيار : نعم ... ودني معاكي
طماطم : إنت عايش في الدنيا بتاعتنا ولا عايش في دنيا تانيه
خيار : لأ .. في الدنيا بتاعتنا طبعا
طماطم : إمال بتسأل ع الاستراتيجي ليه
خيار : خير يا طمطم ، هوه ماله .. جراله حاجه بعد الشر
طماطم : الخيار الاسطى راتيجي بتاعك انكشف واتعرف
خيار : يالطيف ألطف بعبيدك ..... حصل إيه ؟؟؟؟؟؟
طماطم : مش طلع بلاستيك !!
خيار : يا سلام !! الأسطى راتيجي طلع بلاستيك ؟
طماطم : أي والله .. كنا ننزل السوق نلاقيه مرطرط اقفاص اقفاص وبعد ما تشتريه تروح البيت تكتشف النصيبة الكبيرة .... تصور ... يا خياره ... ولاينفع أكل ولا شرب .. ولا سلطة ولا مخلل ..
خيار : واللي اشتراه ؟
طماطم : لبس الملعوب واللي كان كان
خيار : وبعدين؟
طماطم : ما عادش فيها بعدين .. فيه خيار جديد اسمه خيار المقاومة ملأ السوق وسلم لي ع الأسطى راتيجي بتاعك .. وعلى رأي الشاعر الهمام بن إمام "القرع لما استوى قالوا للخيار يا لوبيا"
خيار : يا لوبيا .... خلتيني لوبيا يا طمطم !!!!!
طماطم : أيوة لوبيا يا نور عيني .. عشان تحرموا تتلزقوا في الأمريكاني
وبالعافية ..... بعيداً عن السياسة والكياسة .... تناولوا طبق السلطة بتحيات طمطم والخيار الإستراتيجي ......
إخواني إحبائي في الله ... أسعد الله أوقاتكم ... مين فينا ميحبش طبق السلطة المهم جداً ... وبحكم أنني من هواة عمل طبق السلطة المحوج ... تعالوا نتأمل مشوار طبق سلطة سياسي .. لو نظرنا على أن السياسة حالياً خيار وفاقوس وجزر وطماطم وفلفل احمر وأخضر وأصفر ... وخل لما خلوا حياتنا خل بالفعل ....
الزوجة لزوجها .. يا أبو فلفلة ، أقوم أغسل الطمام والخيار وأعملنا طبق سلطة على كيفك ، أأأأومري يا عمري ... قام صاحبنا غسل الطماطم والخيار ووضعها في طبق صيني كبير إستعداداً للتقطيع والتوضيب .. ثم ناده إبنه شطة ، واحد صاحبك عايزك يا بابا على التليفون .. ترك صاحبنا المطبخ ، ليكون هذا الحوار بين الست طماطم والأستاذ خيار .... إليكم الحوار كما تم دون تدخل السكاكين أقصد الرقابة .....
ألتقت الست طماطم بجارها الأستاذ خيار .. فبادرته بالسلام قائلة :
صباح الخير يا جميل .. سكتك خضرا ويومك مخلل بالسعادة بإذن الله
الأستاذ خيار : يا صباح النور ع البنور والخدود الحمرا اللي زي التفاح الأمريكاني
الست طماطم : فشر .. أمريكاني مين وبتاع مين .. دا أنا طماطم والأجر على الله
الأستاذ خيار : خلاص ياست الستات .. أنا غلطان .. خليها التفاح اللبناني
طماطم : لبناني ماشي .. أهو مننا وعلينا .. إنما قطع الأمريكاني وسنينه
خيار : ياه .. دا انت قرفانة من الأمريكاني ع الآخر
طماطم : ومين سمعك .. بيجيلي أرتيكاريا لما حد يجيب سيرته .. هو انت يغرك الأشكال دي .. وعلى رأي المثل من برة هللا هللا ومن جوة يعلم الله
خيار : ليه يابت .. دا الأمريكاني أمريكاني برضه ، أبو الكل وفتوة العولمة
طماطم : كان زمان يااااااااااا عمر .. لما كنا فاكرين إنه تفاح بحق وحقيقي
خيار : إمال طلع إيه ؟
طماطم : طلع خيار معفن .. وبالهندسة الوراثية عملوه شبهه التفاح
خيار : شكلك هتغلطي ، أنت نسيت أني خيار أد الآتاييه ، وبعدين وماله الخيار؟
طماطم : مالوش .. بس الخيار لما يقول أنا خيار من خيار .. يبقى جدع وسيد الجدعان .. لكن يضحك ع الناس وينفخ نفسه ويلونها ويقول أنا تفاح .. يبقى ؟
خيار : يبقى إيه يا طمطم ؟
طماطم : يبقى نصاب وضلالي
خيار : وما يسواش عود برسيم
طماطم : اسم الله على مقامك .. أهو انت قلتها بلسانك
خيار : ومين اللي كشف الملعوب ده ؟
طماطم : الواد فجلة ابن المعلم دجلة
خيار : إزاي؟
طماطم : شافه وهوه بياخد حقن من اللي بتنفخ وحبوب من اللي بتلون
خيار : يبقى لازمنا قاعدة عشان نشوف حل فى الواد النصاب ده .. ونعرف ليه بيعمل العمايل السودة دي ؟
طماطم : بس متقولش قاعدة أحسن الامريكاني عليه عفريت اسمه قاعدة .. المهم حتعمل إيه ؟
خيار : حنعمل مؤتمر وندعوا فيه كل جنس خيار .. الخيار الاستراتيجي والخيار العسكرى والخيار الوحيد .. ونشوف إزاي يتم مكافحة هذا التزوير اللاأخلاقي .. بكرة البتنجان الاسود يشم خبر ويعمل لي فيها هو كمان مانجة هندي !!
طماطم : بس انا سمعت إن الخيار العسكري خرطوه حتت حتت وعملوه سلطة يقدموها للضيوف
خيار : يعني إيه ؟
طماطم : يعني الخيار العسكري مش موجود في السوق يا حبة عيني
خيار : طب والخيار الوحيد ؟
طماطم : ما فيش حباية واحده منه عندنا .. يامستورد يا مفيش
خيار : بس المستورد غالي .. يعني ما نعرفش نزرعه عندنا ؟
طماطم : نعرف .. بس ممنوع
خيار : مين اللي منعه ؟ هوه إحنا حنزرع مخدرات
طماطم : يوووووه عليك بقه .. أهووو ممنوع وخلاص .. ولو كان مخدرات ماكانوش منعوه
خيار : والخيار الاسترا .. تيجي !!!!
طماطم : تيجي لما أقول لك حاجة ف ودنك
خيار : نعم ... ودني معاكي
طماطم : إنت عايش في الدنيا بتاعتنا ولا عايش في دنيا تانيه
خيار : لأ .. في الدنيا بتاعتنا طبعا
طماطم : إمال بتسأل ع الاستراتيجي ليه
خيار : خير يا طمطم ، هوه ماله .. جراله حاجه بعد الشر
طماطم : الخيار الاسطى راتيجي بتاعك انكشف واتعرف
خيار : يالطيف ألطف بعبيدك ..... حصل إيه ؟؟؟؟؟؟
طماطم : مش طلع بلاستيك !!
خيار : يا سلام !! الأسطى راتيجي طلع بلاستيك ؟
طماطم : أي والله .. كنا ننزل السوق نلاقيه مرطرط اقفاص اقفاص وبعد ما تشتريه تروح البيت تكتشف النصيبة الكبيرة .... تصور ... يا خياره ... ولاينفع أكل ولا شرب .. ولا سلطة ولا مخلل ..
خيار : واللي اشتراه ؟
طماطم : لبس الملعوب واللي كان كان
خيار : وبعدين؟
طماطم : ما عادش فيها بعدين .. فيه خيار جديد اسمه خيار المقاومة ملأ السوق وسلم لي ع الأسطى راتيجي بتاعك .. وعلى رأي الشاعر الهمام بن إمام "القرع لما استوى قالوا للخيار يا لوبيا"
خيار : يا لوبيا .... خلتيني لوبيا يا طمطم !!!!!
طماطم : أيوة لوبيا يا نور عيني .. عشان تحرموا تتلزقوا في الأمريكاني
وبالعافية ..... بعيداً عن السياسة والكياسة .... تناولوا طبق السلطة بتحيات طمطم والخيار الإستراتيجي ......