خالد الحويان
02-09-2010, 06:46
عيني سهرها ياهلي اقفى بنومي وابتعد
بين النجوم الساريه نومي رحل عيا يعود
رجيت ليلي ينجلي رجوى الهواوي للوعد
واثر الهوى في داخلي باقصى ضميري له وجود
امسيت مثل اللي خلي في مهمهٍ مابه احد
الا السحابه والمطر والبرق واصوات الرعود
ارقبت راس المعتلي من همي اللي ماركد
ولجت هواجيس الفكر للنوم عيت لاتنود
القلب منها مبتلي عقب الليان اصبح جلد
انوح لامنه حدر واون مع وقت السنود
يالله دخيلك يالولي يالواحد الفرد الصمد
يالله دخيلك بالصبر خايف تواليها تكود
ياعين بالدمع اسبلي كانه على ناري برد
فداك جفني والهدب والموق حتى والخدود
بالدمع جودي واهملي اقفى عن الشوف السعد
اللي لقطعان الظبا بالعين منزلها عنود
ان صار منها مقتلي روحي فداها والجسد
واللي بعد تطلب ترى عليه في مثله نزود
يادورة الليل اكملي ماعاد بالمبلي جهد
لو القمر به بلوتي ماعاد بانواره يجود
يانجوم هاتي وارسلي مادمت في تالي سهد
هذي علومي كلها ردي خبر ظبي النفود
بين النجوم الساريه نومي رحل عيا يعود
رجيت ليلي ينجلي رجوى الهواوي للوعد
واثر الهوى في داخلي باقصى ضميري له وجود
امسيت مثل اللي خلي في مهمهٍ مابه احد
الا السحابه والمطر والبرق واصوات الرعود
ارقبت راس المعتلي من همي اللي ماركد
ولجت هواجيس الفكر للنوم عيت لاتنود
القلب منها مبتلي عقب الليان اصبح جلد
انوح لامنه حدر واون مع وقت السنود
يالله دخيلك يالولي يالواحد الفرد الصمد
يالله دخيلك بالصبر خايف تواليها تكود
ياعين بالدمع اسبلي كانه على ناري برد
فداك جفني والهدب والموق حتى والخدود
بالدمع جودي واهملي اقفى عن الشوف السعد
اللي لقطعان الظبا بالعين منزلها عنود
ان صار منها مقتلي روحي فداها والجسد
واللي بعد تطلب ترى عليه في مثله نزود
يادورة الليل اكملي ماعاد بالمبلي جهد
لو القمر به بلوتي ماعاد بانواره يجود
يانجوم هاتي وارسلي مادمت في تالي سهد
هذي علومي كلها ردي خبر ظبي النفود